Ако сте Французин и сте осигурени во Северна Македонија бидејќи сте во работен однос, може да Ви бидат покриени медицинските трошоци кои Ви се неопходни кога ќе дојдете на привремен престој во Франција по повод Вашиот платен одмор.
Дали ова се однесува на Вас?
Треба:
- да имате само француско државјанство (да немате двојно државјанство: француско и македонско)
- да бидете жител на Северна Македонија
- да бидете осигурени во Северна Македонија под платен работен однос.
Ако не ги исполнувате сите овие услови:
- Вашата медицински трошоци во Франција не можат да бидат преземени според француско-југословенската конвенција за социјално осигурување, применлива за односите меѓу Франција и Северна Македонија.
- Контактирајте со Вашата институција за социјално осигурување за да дознаете дали може да ги преземе Вашите медицински трошоци во странство.
- Ако тоа не е случај, препорачливо е да имате осигурување кое гарантира покривање на медицинските трошоци што би морале да ги направите на француска територија. Таквото осигурување е задолжително за добивање туристичка виза.
Пред да дојдете во Франција
Побарајте од Вашиот фонд за здравствено осигурување во Северна Македонија да Ви издаде образец SE 21-04 A: Потврда за право на надоместоци за нега во случај на здравствено и породилно осигурување (во случај на привремен престој на работникот и, евентуално, на членовите на неговото семејство кои го придружуваат, по повод платен одмор)..
Здравствена заштита која е неопходна веднаш за време на Вашиот престој во Франција
Ако Ви треба итна медицинска помош за време на престојот на француска територија, може да најдете доктор или здравствена институција во именикот за здравствено осигурување.
Во случај на консултација со доктор во Франција
- Ќе треба однапред да ги подмирите надоместоците, а потоа да контактирате со француското здравствено осигурување за да добиете враќање на парите. Истото важи и ако лекарот Ви препише лекови или испитувања..
- Доставете го образецот SE 21-04 A во главниот фонд за здравствено осигурување (CPAM) на Вашето место на престој, придружен со документ за лична идентификација и оригиналите од Вашите медицински документи.
- CPAM ќе испрати барање за покривање на негата која сте ја добиле во Франција до Вашиот фонд за здравствено осигурување во Северна Македонија користејќи го формуларот SE 21-04 B (Известување за болест или несреќа или барање за продолжување на нега), придружено со Вашето медицинско досие.
- За возврат, Вашиот одговорен фонд ќе изготви образец SE 21-04 C (Известување за одлука во врска со покриеноста на надоместоците за здравствено и породилно осигурување).
- Во случај на договор, медицинските трошоци ќе се земат предвид според процедурите предвидени со француското законодавство. Во Франција, дел од здравствените трошоци вообичаено остануваат на одговорност на осигуреникот.
Во случај на хоспитализација
- Да се достави образец SE 21-04 A до одделот за прием во болница, заедно со документ за идентификација.
- Болницата ќе контактира со францускиот фонд за здравствено осигурување (CPAM) за да интервенира во Вашиот фонд во Северна Македонија со цел да побара овластување за да ја преземе одговорноста за Вашите медицински трошоци.
- Во случај на договор со Вашиот одговорен фонд, ќе треба да го платите само делот од трошоците што обично ги сноси осигуреникот од Франција (партиципација, цена од ден за хоспитализација, партиципација за потешки случаи, повисок надоместок), наместо вкупната фактура.
Продолжување на негата
Ако Вашата медицинска состојба бара нега надвор од периодот наведен во формуларот SE 21-04 C, ќе треба да добиете формулар што го покрива новиот период на нега.
Здравствено покритие за членовите на семејството кои Ве придружуваат за време на престојот во Франција
Овие одредби се однесуваат и на членовите на Вашето семејство кои Ве придружуваат во Франција (луѓето кои се регистрирани на Вашиот образец SE 21-04 А издаден од Вашиот фонд за здравствено осигурување на Северна Македонија).
Во случај на неспособност за работа настаната во Франција
- Ако некој доктор Ви издаде потврда за неспособност за работа, треба да контактирате со францускиот фонд (CPAM на местото на престој) кој ќе изврши медицински преглед и ќе го испрати Вашето медицинско досие до одговорниот фонд во Северна Македонија.
- По консултацијата со докторот, Вашиот фонд може да одлучи дека имате право на дневни надоместоци за време на периодот на отсуство од работа.
- Конвенционалните образци што се користат се исти како и за барање за преземање на медицинските трошоци.
- Не заборавајте да го известите работодавачот за Вашето отсуство од работа.
РЕФЕРЕНТНИ ТЕКСТОВИ
- Членови 8 § 2 и 8 F од француско-југословенската Конвенција од 5 јануари 1950 година
- Членови 8 до 9 bis и член 29 од Административниот аранжман од 23 јануари 1967
